專業旅運 - 遊記分享
 
中文   |   English
 
零晨去東京 By Patty

 

DAY 1
全日空零晨機去東京, 晨咁早落機未有機場巴士,所以就搭左地鐵返酒店先,羽田機場真係平好多,由機場去到新宿都唔洗一千日圓,返到新宿VINTAGE,未有得CHECK IN,就放低左D行李係酒店,洗個臉就出去玩啦,咁早,好多舖頭都未開,就去左築地漁市場諗住食下海鮮,去到咩舖頭都無開先記得星期日唔開市,是但食左D野就落去秋葉原行街,行到兩點幾,因為太眼訓,之後就決定返酒店訓覺,返到酒店行李已經幫我地送左返房,到左夜晚,去左歌舞妓町牌隔離果間食芝士豬排,好好食呀~咁就完左第一日啦~

DAY 2
由新宿出發到伊豆下田,經過二小時車程就到達下田,一出車站就見到個COUNTER可以買一D景點門票,我就買左黑船+寢之山,我計劃就第一日去黑船,明天才去寢之山,但首先都係要去食左野先,係伊豆既海鮮其中一樣出名就係龍蝦,之後我地就去左車站附近一間專門食龍蝦既餐廳,食一個豐富既龍蝦餐,首先係龍蝦湯,勁甜勁好飲,之後仲有龍蝦刺身仲好食,食飽飽都係返酒店泡下溫泉,係頭先下田站就有酒店車送我地返去,一去到酒店就見到一個一望無際既大海,但天氣太凍,今次無得游水,做完CHECK In手續,立刻就返房休息下。休息左一會,就去左浸呢度最出名既無敵海景露天溫泉,因為唔係假期,所以無乜人,我可以一個人浸晒成個池,起舒服!浸完溫泉之後就返房食晚飯,是日晚餐為懷石料理WITH包魚,正!安坐於房間有人服侍既感覺真係好!

DAY 3
一朝早係房間食完早餐之後,休息一陣,又再出動浸溫泉,晨早浸溫泉既感覺又有另外一番風味。離開酒店又再開始今日既行程,先去黑船,故名思義艘船係黑色海船,向大海出發,隻船一路行路就有好多海鷗跟住我地,船上亦有蝦條賣,可供遊客餵海鷗。及後再上埋寢之山,此處可全覽下田。由下田再出發到熱川,今次我決定唔坐快車,試下坐慢車,可以慢慢欣賞風景,到左熱川,第一個印象就係很大煙,周圍都係溫泉泉眼,有D公園可以免費比你浸手腳,都幾好玩,仲有果度個沙灘D沙全部都係黑色架,有好多人係沙灘邊釣魚,條條魚都好大條呀!今次呢個溫泉酒店西式D,仲有男女共浴,但我就無入過去啦!

DAY 4

起身食個早餐,就CHECK OUT番香港。


加入你的評論

姓名:
電郵: (不會顯示於網頁內)
意見:
識別碼圖片 - 如你看不到圖片, 請聯絡網站管理員  重新載入識別碼
請依上圖輸入識別碼 (請依大細草輸入)

遊記分享 Good for Sharing 更多...
給你去希臘的理由...

如果你已經有一千個要飛去希臘的理由,我想再給你一個

...詳情
艾菲爾鐵塔

有艾菲爾鐵塔的地方,連空氣都是浪漫的,懶洋洋的

...詳情
不一樣的巴黎

告訴你一個不一樣的巴黎

...詳情
台北的晚上

在台北,半夜無聊又睡不著的話,可以做些什麼事呢?

...詳情
Angsana Fuxian@昆明

坐落于撫仙湖與帽天山之間,集酒店客房、特色餐飲、Spa、休閒娛樂和濕地公園于一體。

...詳情
超冷門的台灣之旅

一直很想去金門看看,所以就去了

...詳情

紐西蘭哈比人酒吧 - 哈比人酒吧去了可以看到哈比人出沒嗎?

英國十大最值得觀光之景點推介 - 幾乎是全球旅客遊覽倫敦的必遊之地

   
自由行熱線 :3700 2682   自由團熱線:3700 2688   國內顧客熱線:400 842 9888
  旅遊服務

自由行

旅行團

機票

酒店

郵輪

商務客戶

網上突襲

  最新資訊


情報Guide

  服務支援

常見問題

刊登廣告查詢

私隱政策

條款及細則
  關於我們

關於專業旅運

聯絡我們

工作機會
  關注我們
 
    歡迎使用:  
  Copyright © Travel Expert 2016 版權所有 不得轉載.   牌照號碼: 350709