東日本 ‧ 南北海道賞櫻遊

2020-07-02
分享

Hirosaki castle

Source: Freepik

今次主要到訪日本東北部鄰近新青森的景點,首先由東京市到新青森,建議大家到市中心留一晚先,揀酒店最好住JR東京站/JR上野站附近。今次我係住JR 東京站嘅Keio Presso Inn Tokyo Station Yaesu,東京站距離酒店都係4-5分鐘路程,住東京站好處就係美食集中,設有地下街唔怕悶,最新人氣手信都可以搵到,正啊!!

入番正題,大家由JR東京站到JR新青森站只需要3小時20分鐘,留意番JR新青森站係無酒店,所以大家由新青森下車後,要轉乘普通JR線,搭一個站就到達青森駅啦!大家可以停留3日2晚青森 ,我揀青森燦路都大酒店Sunroute Aomori Hotel。放低行李後,食個Lunch,就發出弘前公園賞櫻,如果你撞啱時間櫻花滿開,由下午到晚上都可以睇到唔同櫻花美景。

https://www.hirosakipark.jp/
交通方式:從JR弘前站步行約30分鐘,或於站前搭乘搭乘土手町循環巴士約15分鐘,並於市役所前站下車步行4分鐘即可抵達。

弘前公園櫻花美景

黎到青森第2日,早餐唔少得去古川市場食番個新鮮刺身飯,佢係一個自助海鮮丼販,只需要到售票處買食事劵(YEN1500,10張食事劵),用一張食事劵換一碗白米飯後,就到唔同既店舗揀想食嘅刺身,坐低慢慢享用,正啊!!

古川市場古川市場刺身

https://nokkedon.jp/nokkedon/

〒030-0862 青森県青森市古川1-11-16

早餐過後,我地再出發去十和田湖,奥入瀬渓流,交通好簡單只需要喺青森站乘坐JR巴士就可以。(留意青森站出發每日只有早上兩班車)

全日既路線: JR青森 ? 八戸? 奥入瀬渓流 ? 十和田湖

咁我自己就會係燒山落車,開始健行步道,奥入瀬渓流係瀑布街嚟嘅,沿途好好行,多數都係泥地平路嚟,間中有一啲石仔,行既時候都要小心。最大動力推動我健行,就係沿途風景真係好靚,綠油油一片,如果你係楓葉季節嚟嘅話即係成片樹林都係黃金色嘅。仲有行呢條步道嘅時候,我諗每個人都有同一個目標,就去行去每一個瀑布嘅check point打卡影相,喺香港真係感受唔到呢啲大自然嘅靈氣。

瀑布

咁我最後行到銚子大滝就完成健行(大約3小時)。

銚子大滝銚子大滝

之後就坐JR 巴士由銚子大滝站直接坐到去十和田湖(休屋)嘅總站,食個午餐!食完個午餐, 向住湖畔步道, 欣賞湖景可以坐遊覧渡輪遊覧十和田湖/等等遊覧設施。

湖畔步道

湖畔步道

最後直接坐番JR巴士由十和田湖(休屋) 到JR 青森站。P.S  : JR 青森站旁.有A-FACTORY,全部產品都係買個青森蘋果嘅產品(值得掃貨)。

第3天,好快由青森黎到函館,五稜郭公園櫻花季5月頭賞櫻最靚,根據官方網站講,係種植左大約1600棵櫻花樹,唔靚就奇!HAHA

賞櫻之餘,好多日本人一家大細,年輕人,老人家 都會係公園內野餐,公園有指定位置仲可以開爐BBQ。另一個角度賞櫻就係撐艇仔,要講明你一定要有好好體能先好撐(唔係咁簡單),過左交還艇既時間,係要加錢,自己量力而為啦!

五稜郭公園櫻花

五稜郭公園

接近差唔多黃昏嘅時候我就去左金森紅磚倉庫,純粹打下卡,入面就真係冇乜嘢買。之後再步行到纜車站觀賞函館山夜景,建議黃昏時間上去霸翻個靚位!函館山望出去兩邊都係大海 ,由黃昏慢慢逐漸變黑,每一戶人家,開始亮起自己屋企嘅燈光,街道燈光,亮起你眼前..嘩!絕對稱得上世界三大夜景。

金森紅磚倉庫

函館山夜景

離開函館之前,大家可以早上.黎到JR函館旁函館市場-うに むらかみ 函館本店。

函館市場

呢個早餐一定要喺呢間舖頭開門前半個鐘頭內去排隊,因為呢係好多日本人去食。

官方指美味的理由「海膽」一旦從殼中取出就開始溶化。為此,常使用「明矾」作為保存劑,以防止海膽溶化。明矾雖可防止變形,但會使海膽失去本身所具有的入口即化的口感,還會在口中留下特有的澀味。うに むらかみ的「海膽」是經長年的研究,使用獨特的加工方法,不使用明矾的無添加海膽。因此,可品嚐到海膽原本的美味。由函館>東京(4時30分鐘左右)。

回到東京市中心,黎到東京迪士尼海洋!遊樂設施絕對係有驚喜,人氣必玩 [玩具總動員瘋狂遊戲屋]-(3D射擊遊戲)。另外探險形式既,[海底兩萬],[ 水晶骷髏頭魔宮],[ 地心探險之旅].. 推介!推介!推介。

新開[夢幻奇航],自己就未玩過,好期待再去體驗奇妙世界!

東京迪士尼海洋

 

撰文︰
BOLING KONG    專業旅運柴灣分行    

直線電話: 5506 0432
電郵: bolingkong@texpert.com