高雄墾丁五日之旅

自駕遊

2020-07-03
分享

今次台灣南部之旅我地決定自駕遊,因為墾丁景點比較散,所以決定喺香港book左先!自駕遊出發前要去金鐘運輸署整返個國際牌,記得預約左先就唔駛等咁耐。早上0920起飛,去高雄真係好快,1小時15分鐘就到左!(咁快,唔去澳門啦)。高雄機場比較細,入境快好多,仲可以唔駛排人手條隊,一出機場就去拎車先, 出發喇!出發前交低水費先,唔知大家有無——發覺,台灣,泰國呢啲地方,清潔姐姐係會入男廁清潔,佢地見憤大場面,搞到我有啲老尷。

 

喺台灣租車,高速公路/隧道會還車先計錢,一開始仲有啲唔慣,始終香港揸開右邊,同埋好多機車。第一站就梗係醫肚先啦,台灣有好多日本野食,味道就正正常常,但價錢就真係抵過香港啦,食唔食就自己決定囉。食飽出發去今個trip第一站,嗱!!!我地唔係直接飛入墾丁,我地第一晚book左距離市中心約30分鐘車程嘅花季渡假飯店。酒店有提供接駁車,一擺低架車就有個叔叔黎接,Service又OK喎。酒店環境OK,我住嗰晚計埋都唔夠10個人入住,好清淨,無論情侶夫婦都好適合。酒店價錢已包早晚餐,房入面有私人風呂可以浸 (講漏左,呢個trip我係同個男仔去,所以…好Gay feel,哈哈)

去下相先 (酒店環境)

花季渡假飯店花季渡假飯店花季渡假飯店

房內相片

花季渡假飯店花季渡假飯店

第一晚晚餐

晚餐

早餐

早餐

總括黎講,花季渡假飯店性價比唔錯,千幾蚊hea返晚,OK啦,唔駛下下宜蘭 / 北投咁悶。離開溫泉酒店後,嗰2晚都開車過墾丁,墾丁景點出面其他blog都大把,我都唔哂時間介紹…而墾丁有唔同國家公園適合行山,講真嘅,個景真係好正同埋易行架。

墾丁墾丁

點呀,唔錯掛?

之後2晚入住墾丁福華渡假酒店,真係一般般,酒店比較舊,行去墾丁大街約5-10分鐘,建議可以住返民宿又或者個邊有啲靚仔嘅Villa。最後一晚我地出返高雄住 - Hotel Cozzi(中山館),酒店位於捷運(三多商圈),location好方便,酒店環境幾好,住得過!

大家去旅行有陣時都係想hea幾日,總括而言,墾丁高雄樓啲人生活節奏較慢,慢活啲,所以我自己覺得幾舒服,下次有機會仲想去埋台南,聽人講好似仲正!

 

撰文︰
PERRY CHAN 陳銘堅    專業旅運柴灣?分行    

直線電話: 3700 2832 / 5506 0461 
電郵:perrychan@texpert.com