新加坡+民丹島Club Med Bintan度假之旅

2020-07-09
分享

Club Med 對於我黎講,其實都真係好方便,唔洗計劃行程,唔洗計住用左幾多錢。點解咁講呢? 因為Club Med係全包式度假村,一個價錢,包晒食住玩。Club Med民丹島內有齊水陸活動,適合大人小朋友,陸上運動中心、水上運動中心、SPA區、高爾夫球區等包羅萬有。水上運動中心有游泳池、風帆、風浪板、獨木舟、浮潛設施,此外還有多項自費活動,如水上電單車、香蕉船等。民丹島屬於印尼,但係非常近新加坡,唔少新加坡人都鍾意去度假,又稱為新加坡後花園。而且香港同新加坡無時差,但香港快民丹島1 小時。香港飛去新加坡再轉渡輪到民丹島,大約60mins,建議先上網預約渡輪時間。

*持香港特區護照去新加坡及民丹島不需簽證

 

第1 日

我乘搭國泰航空公司 ,香港9點起飛,中午到達新加坡,因渡輪到夜晚7點先有船,我同朋友最後都係決定出返市區行下,食下野再去碼頭(Tanah Merah Ferry Terminal),由於拎住行李,我地都係去左個熟食中心(Maxwell Food Centre),天天海南雞飯,叻沙,又平又好食,之後再去亞坤咖椰吐司,同香港食咖椰真係有好大分別,食完買左幾罐返去做手信。差唔多時間就用左個Call 車app (GRAB) 去碼頭。

亞坤咖椰吐司咖椰

Tanah Merah Ferry Terminal 位於Changi機場附近,如果預約到較早渡輪時間,就可以由機場直接過去,較為近。

Tanah Merah Ferry TerminalChangi機場

抵達碼頭後,大門中間靠左可以找到Ferry的登記處,將船票確認信同照交給服務員即可領取登船證。領取後,可到旁邊Baggage Check-in有一件免費行李託運 (20KG),完成後辦理新加坡出境手續及印尼入境手續。落船後,搵到ClubMed的接待處,報到後便可以領取房卡。房卡上印有渡假村的地圖。一落大巴,到渡假村會有G.O. (Club Med 對所有專員的稱呼)接待,會帶你去房間作渡假村簡單介紹,每日活動行程表,另外會給你一條手環磁扣卡,就係出入房間的房卡!要特別小心,唔好唔見呀,其實4天都可以綁係手上最保險。

**除左接待外,G.O.都是導遊、歌舞表演者、體育教練等,佢地來自唔同國家,共同點就係超級熱情同有活力

club med go

我地到埗都已經係夜晚,所以即刻去左食晚餐,佢地有2間餐廳,其中一間係食自助餐,即使自助形式都好豐富同埋好精緻,最重要係好食!!

club med buffetclub med dinner

第2日

食完早餐,就到Lobby附近Counter預約做SPA(提早預約更好,因為好容易Full),同埋預訂第3日嘅半日遊,唔知點玩都唔洗驚,G.O會介紹。安排好晒之後我地去左沙灘,係名副其實嘅水清沙幼。玩左獨木舟,放空,曬太陽,較為可惜既係冇得玩浮潛,因為季節不適合,4月後先有得玩。

Club Med Bintan swimming poolClub Med Bintan swimming pool

Club Med Bintan beach

Hea 既時間過得好快,我地曬完太陽都已經到左4點左右,要去做SPA lu,行去SPA嘅途中都有唔小影相位,小徑靚到好似森林咁樣~做Spa既環境超級舒服,聽住海浪聲,全面紓解身心靈疲累。

Club Med Bintan spa

係時侯去食自助晚餐,菜式每日都不一樣,因為另一間食SET,需要預先book位。

Club Med Bintan dinnerClub Med Bintan dinner

晚上Club med 都有表演,表演完會邀請你去參加跳舞。佢地會教你跳唔同國家舞蹈,好好玩。

跳舞

第3日

今日book左半日遊,去動物園、黃金沙丘、藍湖、食lunch,最後返酒店。

動物園-大象動物園-小動物

黃金沙丘「Gurun Pasir Busung」同藍湖喺同一個地方,鐘意影相既人,絕對唔好錯過~ 我會建議早上去,因為中午真係超級熱同曬。

黃金沙丘Gurun Pasir BusungGurun Pasir Busung

去完呢個地方,司機好好人同好熱情,係車上面會同我地傾計,介紹當地文化,教我地講簡單印尼話,佢帶我地去當地既Supermarket 買特色小食同埋印尼公仔麵~~

到左食Lunch既地方,坐快艇出去魚排到食~ 又幾特別~~

快艇湖lunchlunch

回程返酒店~去左玩特別既空中飛人體驗~在專業G.O指導下,於約三層樓高的高度做出指定動作~好好玩~好刺激~~必定要試玩~~

空中飛人體驗

到左下午茶時間,去左另一間廳試下~~海邊戶外餐廳,呢間既環境無得彈!

海邊戶外餐廳海邊戶外餐廳

到左夜晚既時間~渡假村舉辦左個Poolside Party!!有唔同既表演睇~氣氛好好~~

Poolside PartyPoolside Party

第4 日

到左要check out lu~唔係好捨得走,因為呢到太舒服~太多活動未玩...

一到新加坡坐巴士去酒店先~揀左V Hotel Lavender ,原因係近站又抵住,房間偏小,但乾淨企理!!放低行李之後就搭巴士出發去Orchard Road,晚上去Newton Circle Food Court 食胡椒蟹,超好食!!

Newton Circle Food Court

第5日

因搭2點飛機,早出機場行街,買手信~~必買班蘭蛋糕~~新加坡機場真係好大大大~~設施齊全!!有唔同既主題!!

**建議提早到機場**

只有1日時間於新加坡停留,有好多地方,都無時間去,例如:環球影城,夜間動物園等等…

 

撰文︰
VERITY WONG    專業旅運灣仔分行    

直線電話: 3700 2577
電郵: veritywong@texpert.com