宜蘭、台北吃喝玩樂休閒之旅

2020-09-07
分享

香港出發,轉個頭已經到達台北(機程約一個半小時),簡直是香港人快閃熱門旅遊地之一。今次行程主要先去宜蘭放鬆一下,最後再回台北最後打卡。
 
住宿: 品。文旅
飯店坐落於礁溪溫泉源頭之一,位於車站附近在礁溪溫泉公園旁,酒店有自助CHECK IN 系統, 另外響應環保及綠色旅行,全部客房都不提供即用即棄嘅備品與樽裝礦泉水,品。文旅希望自己帶頭,引領旅遊人士共同響應環保,我地可以帶齊個人旅遊用品,為環境保護出一分力。房間有室內泡湯池 ,有下午茶輕食,早餐味道好吃,酒店性價比非常高!喺房內舒舒服服泡完湯,休息足夠就可以出去行下街,車站附近有一條街可以搵到淋琅滿目嘅小食, 當然仲有大大小小的夾公仔機,令你行過都忍吾住,試試自己手氣,嘻嘻!

 

當然去得台灣又點可以錯過行夜市,第一晚就到宜蘭東門夜市。作為遊客而又唔知咩出名就去搵長龍仲要跟住排隊,就一定沒錯吧!必吃蔥油餅。

蔥油餅

交通:搭乘北迴線火車至宜蘭火車站,往新民路、聖後街方向步行即可到達東門夜市。
 

第二日由礁溪坐火車去頭城隨便走走。宜蘭入面有個充滿故事色彩的「頭城老街」,新的彩虹玻璃隧道、復古彩繪牆、文學巷與藝術巷,漫步於小鎮中,欣賞郊外另一翻嘅自然風光。

頭城老街頭城老街

依度有好多打卡影相位,仲有就係唔洗人逼人,就可以隨便走走,隨意拍拍,沒有人阻擋風景,任何角度都可以盡情拍攝,空氣仲特別好清新添。下晝我哋坐火車到宜蘭站,行下幾米公園,向左走、向右走,最後都係要走啦 !行到攰仲有得飲下杯靚靚咖啡。

幾米公園幾米公園-咖啡

晚上又到行夜市時間,今次去左「羅東夜市」。「羅東夜市」應該算是宜蘭人氣No.1的夜市了,入到去終於見到人逼人嘅情況,人山人海啦!我諗可以感受熱鬧氣氛,最好都是選擇行夜市, 台北夜市啲街頭小食真係好好吃喔!

交通:搭乘火車至羅東火車站,沿公正路直走至興東路左轉約200公尺即可抵達


 第三日吃完午餐就直接坐巴士返台北。
中午就喺宜蘭食午餐,我覺得宜蘭一定要推薦就係超級好味「甕窯雞」。雞皮經過烘烤整個呈現誘人的微焦色澤,香氣更是陣陣撲鼻而來,撕開雞肉滿滿的雞汁不斷流下非常JUICY,下次有機會大家一定要試下啦!

甕窯雞

回到台北,晚上入住西門町酒店,食嘢行街的好地方, 愈夜愈精彩,今次仲係酒店附近食到「無老鍋」添!好開心,每次來到台北一定會去吃!

 

台北西門町店—無老鍋Wulao

地址:台北市中正區中華路一段55號2樓

電話:02-2388-8358

營業時間:週一 -週日 AM11:00 ~ AM02:00

無老鍋Wulao

第四天CHECK OUT 咗仲有時間去「華山文創」行吓華山文創園區展覽,有很多台北展覽都喺度舉辦,磚屋、石牆、樹林等都是IG熱門打卡場景,到處都有冷氣、屋簷遮蔽,所以不怕日曬雨淋的。 行完半日再返酒店,就拿行李出機場回香港,下次見啦!再見台灣美食喔!

 

撰文︰
KOEY LAI    專業旅運灣仔分行    

直線電話: 3700 2235
電郵: koeylai@texpert.com