快閃峴港初體驗

2020-09-07
分享

由香港→峴港,落機後,先到入境處做LANDING VISA(記住留小小美金USD去做簽証)。一出機場買張電話卡先,之後去找換店去兌換越南盾,而越南盾面值好大,好似玩緊大富翁咁,哈哈!由機場到酒店,我建議大家可用Grab去Call車,既方便又便宜,仲唔驚俾人呃添!

今次在峴港住的是當地品牌4星À La Carte Danang Beach,由機場到酒店都係10幾分鐘,非常方便。而且仲要係沙灘邊,一晚大概港幣HKD 500 ,超抵住!渡假酒店有「無邊際泳池」是常識吧!我可以俯瞰整個硯港沙灘,超靚呀!第一日主要都喺酒店附近行下沙灘,順便可以去行下峴港大教堂。教堂最大特色是粉紅色外牆,位處鬧市中心,當然都係打卡聖地啦!

到了夜晚,一定要食海鮮啦!酒店樓下已經係海鮮街,感覺好似係香港西貢咁。硯港海鮮出名又平又抵食,叫哂成圍枱都係百零蚊港紙一個人!食飽飽,行下沙灘,睇星星!簡直是享受人生,寫意旅遊!

第二日行程就會比較緊迫。一朝早會去(巴拿山+佛手金橋)依個車程時間會比較長,我建議要早一日就要預訂司機或者一日遊。佛手金橋係半空步行道,以兩隻巨型佛手托着大橋,景色壯觀!另外巴拿山有世界最長的跨山纜車、法式城堡建築群、主題樂園等設施,都啱大人小朋友一齊嚟玩下!

溫馨提示:因位於山上,記得帶備防曬用品

bana hill  golden bridge

Source: Freepik

我建議在黃昏時間到佛手金橋,就可以睇到會安古城日落,分外迷人!

跟住我哋可以坐相中嘅船仔,暢遊會安古鎮,仲可以放埋水燈,真係好浪漫!

Hoi An

Source: Jack Hunter | Unsplash

Lantern in  Hoi An

Source: Thanh Soledas | Unsplash

最後一的晚餐,我哋就試了法國餐,由於越南被法國統治了一段時間,所以越南法國餐係分外出色的!

人氣推介:The Temptation

8道菜都係大約HKD700,絕對超值!

 

第三日我哋就要出機場回香港。香港人最鍾意買手信,所以我介紹可以去BIG C 同旁邊既CON MARKET買越南咖啡同埋扎肉做手信!順便可以食啲越南地道小食做午餐,PHO、春卷等等,最後嘆埋越南咖啡作旅程嘅完美句號!

 

撰文︰
JAN LEE    專業旅運灣仔分行    

直線電話: 3700 2242
電郵: janlee@texpert.com