分享美瑛青池近幾年有講法話，冇去過就等於冇黎過北海道一樣！
青池係位於日本北海道上川郡美瑛町，係一個超靚嘅水池，又被稱為白金青池、美瑛白金青池。而青池最大一個的特色就係一年四季都有各種唔同嘅美景，由於天氣、水氣及降雨都唔同，會令青池池水呈現出唔同嘅藍色，更加令人期待每次到來嘅樣貌。聽講青池最受歡迎嘅時間係5月中旬至6月下旬，但我今次就喺冬天嚟欣賞一下。
至於青池係點樣形成呀？點解啲水會係藍色呀？呢到就唔多講喇！因為Google下就有哂歷史出嚟，呢到並唔係教歷史的，哈哈哈……….
今次我就由然別湖出發，沿著國道38號駕車約3.5小時就可以到美瑛青池。
咁當然啦～中途會停車稍作休息的。
終於到喇！！！
雖然車程話長唔長，話短唔短。但一嚟到，就算車程再長都係值得嘅！
喺一片白濛濛冰天雪地之下，竟然會有如此壯麗嘅美境！唔怪得俗語有話，冇去過就等於冇嚟過北海道一樣啦！原來係真！ 你睇吓你睇吓，好隨便好隨意咁用手機都可以影到好似專業嘅攝影師咁嘅作品！就連我自已都以為自已係攝影師！
地址 : 〒071-0235 北海道上川郡美瑛町字白金
電話 : 0166-94-3355(道路休息站美瑛「白金BIRKE」)
Map Code : 349 568 888
總結 :
1. 如自駕去美瑛青池，要視乎出發點因車程可能較長，要預留充足既時間，因冬天會較早入夜天好快天黑。
2. 車程中途會有休息站，千奇唔好死頂，去休息站抖下去吓洗手間。
3. 喺青池景點，影相還影相，要注意嘅係唔好破壞到咁靚嘅自然環境。
如果唔係自駕，可以參考以下交通資訊 :
可乘坐JR到JR美瑛駅，再轉乘 Dohoku Bus。
距離JR美瑛站車程約20分鐘道北巴士白金青池公車站下車徒步約7分. 。
Jenneth Ng
專業旅運中環分行
直線電話：3700 2894
Whatsapp：5506 0486
