清邁5日4夜遊

2020-11-24
分享

香港快運    UO 753      HKGCNX   1645—1850 
香港快運    UO 754      CNXHKG   1935—2315

今次介紹係泰國北部清邁,到埗清邁後先發現同曼谷好唔同,機場係好細嘅,而且佢都冇的士,主要會係用雙排車。

雙排車
 
由於我哋係坐香港快運,到埗時間已經係晚上,所以我哋一行6人都拿拿聲搵雙排車去酒店。今次住嘅酒店係4星,偏離古城遠小小,酒店名:Lanna Dusita Riverside Boutique Resort,房間係非常有特式,一開門會先經過廁所,再入到睡房。
 
放低完行李之後,我哋就去咗古城夜城行街,由於太肚餓,我哋去咗附近一間餐廳食飯。 
 古城夜城

The Phae Gate

dinner
 
由於時間都唔早,行完一陣之後,我哋就返咗酒店休息,準備第2天行程。

第二天
一早起身,因為我哋預約咗去玩ZIPLINE,呢個係其中一個係清邁好出名景點之一,集合地點會係古城門前嘅MCDONALD,我哋約左09:00集合,當時參加嘅人唔係好多,計埋我地大約10個人左右。去到要先換上裝備,就準備好穿越叢林之旅!中間都係樹同樹之間的穿越!最刺激係最尾會穿越內湖嚟做結尾!認真刺激!玩完之後,仲會喺終點食一個自助早餐,不過就以簡單食物為主,如白粥…
zipline

整個行程大約2小時左右,由於太早,所以我哋返咗酒店休息一下,曬下太陽同游水。

晚上我地就去左MAYA Shopping mall嘅樓上酒店到食晚餐+聽音樂,因為清邁唔多高樓大廈,所以對於呢間頂層酒店嚟講,景色已經係一覽無遺!
  呢間COCKTAIL 份量係Super plus size,要我地6個人一齊飲先飲得晒!哈哈~

第3天
我哋都參加咗一天遊!目的地係<黑廟、白廟、長頸族村+木棉島一天遊>,第一站係白廟,雖然遠睇景色一流,但其實白廟就好似我地所講嘅「奈何橋」行過呢條橋就好似行往生的方向。

 白廟

白廟

之後仲有個金光閃閃嘅裝飾,最估唔到嘅係!其實佢係「洗手間」哈哈~


 
金色嘅洗手間真係必定要去一次,放低番幾條腳毛先得!

第2站到黑廟,其實黑廟內唔係真係廟宇,佢似比較係以雕刻為主嘅藝術館,去到邊都見到好多唔同雕刻品。
黑廟

第3站就到令人最期待嘅長頸族村!不過去之前導遊哥哥每人派給我哋一張食物卡,可附近FOOD COURT 到買飯食!都係簡單食物,但求飽肚!

之後,終於到咗長頸族村!當日天氣真係一流,長頸族村眼見只有女性,而且佢哋以織布+旅遊業為生,當中仲有一個來自廣東的妹妹,講得一口流利嘅廣東話!

 長頸族村

長頸族村

第4站-坐金三角遊船,遊覽景色!我地就坐呢啲船,著住救生衣出發。
 


 
導遊一路講解附近景點

目的地就係金三角寮國木棉島,登上島要付30泰銖,島上有一個小市集,但主要係售賣仿冒品和香煙為主。寮國百姓應該比較貧困, 因為登島後,路邊一直都有好多3-8歲小童向我哋攤手要錢,唔比錢佢哋的話就一路跟住我們…大約逗留了45分鍾我哋都上船回去了。仲記得上旅遊巴時只係5點左右,之後一路坐車番回清邁古城,竟然需要4個幾小時~回程大家都散晒喺車到瞓咗一整路。

第4天
由於早2天行程都好豐富,所以都瞓得比較晏,出門時間係下午2點幾,我哋去了附近的廣場,食了日本鐵板燒。

之後就去左BIG C 買手信!
 
第5天
最懶散嘅一天,亦都係行程最後一天,由於酒店提供了Late check out 比我哋。於是我哋就喺酒店懶懶散咁休息到2點,再去返MAYA附近食咗午餐就出發去機場回港了!

Kico Lee
專業旅運奧海城分行
直線電話: 3700 2815
kicolee@texpert.com