6日5夜悠遊親子自駕玩沖繩

親子遊自駕遊

2020-11-30
分享

今次一家十口去沖繩,當中有老人有小孩,車都要租兩架7人車,喺日本揸車記得要先去運輸署申領國際駕駛許可證先。

Day 1
今次選擇咗香港航空既早機,落機之後就坐租車公司的接駁巴士去拎車。第一站去左買煙花 ,呢到嘅煙花種類真係多到你唔信,大大小小咩都有!我哋就買咗2大袋。買完之後就直接開車上名護,去今日嘅第一個景點—水果樂園。

煙花煙花店

選擇去水果樂園,而冇去到名護菠蘿園,原因係水果樂園入面有一個類似完成任務的探險,可以比小朋友一個一個咁跟住去玩,可以了解各種水果既特色(只有英文日文)。

水果樂園水果樂園地圖
玩完水果樂園我地去咗睇季節限定的繡球花,饒平名繡球花園,成個花園有8000株繡球花,場面真係好靚。

饒平名繡球花園饒平名繡球花園饒平名繡球花園

よへなあじさい園(沖繩繡球花祭)
營業時間: 9:00am~6:00pm
休息日:花期時無休(5月下旬~6月中旬)
地點:沖繩縣國頭郡本部町伊豆味1312

之後我哋就返咗酒店休息,準備第二日的精彩行程。


Day 2
一早起身我哋就出發去古宇利島。

古宇利島古宇利島

然後就係沖繩美麗海水族館,去之前記得上定網睇定時間表,安排好行程睇表演。

我哋就睇咗呢兩個:
13:00 海豚秀 (約20分鐘)
15:00 鯨鯊餵食 (2hrs)

玻璃船
去完水族館就開車落中部,遊覽部瀬名海中公園、海中展望塔+玻璃船,最後就入住Kafuu Resort Fuchaku Condo Hotel,如果一家大小嚟呢間酒店真係好值得推薦,房間大,有好多小朋友設施可以租,又有廚房可以煮野食。
 Kafuu Resort Fuchaku Condo hotels

Day 3
呢一日就參加咗青之洞窟—浮潛一天遊,自己開車去集合地點,之前開始教你裝備點用。值得一提係小朋友個水泡,喺下巴位有一個潛望鏡,咁就可以比佢地好清楚咁睇到水入面的魚。今次教練仲係講廣東話,真係玩得好開心!

青之洞窟1青之洞窟1青之洞窟1青之洞窟1青之洞窟1青之洞窟1

萬座毛

玩完浮潛就去咗萬座毛影相,下午就留喺酒店嘅沙灘同泳池玩水,夜晚出咗去食沖繩最出名的石垣牛最後就返沙灘玩第一日買的煙花。

石垣牛石垣牛firework

ゅうとん合戦 恩納御殿

地址:583-1 Nakadomari, Onna, Kunigami District,
Okinawa 904-0415日本


Day4

早上去左黑潮公園,比小朋友放下電,之後就去泡瀨漁港食海膽焗烤龍蝦。

黑潮公園黑潮公園
食完飯就去美國村買下嘢影下相,夜晚就返去那霸國際通 Checkin酒店,晚餐-第一牧志公設市場。

美國村美國村

Day 5

今日就去沖繩世界文化王國-玉泉洞,比小朋友體驗琉球風情同感受自然美景。玉泉洞其實係一個鐘乳洞,而王國村就可以著上琉球傳統服飾,製作沖繩傳統的紅型染繪、藍染,彩繪石灰沖繩風獅爺等等……
園內仲有表演睇,太鼓舞、毒蛇表演秀(毒蛇博物館公園)、琉球玻璃工房,自己吹玻璃,當然仲有好多手信可以買,咁就玩左一整日。

晚餐我地返咗國際通,去咗一間好特別的鐵板燒到食,
Sam's restaurant店名(日語)サムズ セーラーイン国際通り店
地址    〒900-0013沖繩縣 那霸市 牧志3-1-3


一入到Sam's restaurant就會覺得係別有洞天,因為就似進入咗船艙,就好似係一架船入面食嘢,非常逼真!店員仲好好人,每個小朋友都送咗一頂水手帽比佢哋,
嘢食好好食,價錢又唔貴!另外,呢到特別飲品個杯係有唔同造型,埋單個陣佢會拎一隻新的杯送比你拎走。


Day 6
話咁快就到咗最後一日啦!最後一日我哋就留咗係國際通買手信,最後血戰,之後就開車去番車公司還車,坐車公司安排的車去機場。

 

Oscar Chan
專業旅運奧海城分行
直線電話: 3700 2812
oscarchan@texpert.com