北海道6日5晚

2020-12-22
分享

由香港出發到札幌千歲機場,只需要5小時機程就到達,通常第一日嚟到札幌市中心,都接近黃昏時,所以帶大家去市中心食一間爐端燒,抵食又新鮮。炉ばたウタリ(爐端燒)位於薄野站 (行3分鐘),個爐係由巨型雲杉樹造成……超過1000年歷史,最出色就係一夜干,我食緊呢條*喜知次* 超好食,處理方式係醃漬風乾,有煙燻味之如,仲封住魚肉鮮味,保留魚既嫩滑。*必食推介*
 炉ばたウタリ

炉ばたウタリ
炉ばたウタリ(爐端燒):http://suginome.jp/shop/utari.html

 

第二天行程:快閃帶廣,入住星野Tomamu
首先由札幌市中心坐JR直到帶廣 (需要3小時),每一個地方都有佢出名嘅美食,要食到正宗豚丼(原味道),就要嚟到帶廣。元祖ぱんちょう嘅秘製醬汁,融合米香,肉片夾雜少少肥肉,食到豬肉嘅油香之如,肉質鮮嫩唔會燒到乾身,仲浸浸嘅炭香,大滿足!
元祖ぱんちょう元祖ぱんちょう元祖ぱんちょう
元祖ぱんちょう  :https://tabelog.com/tw/hokkaido/A0111/A011101/1000213/
帯広駅前から徒歩3分
下午:由帶廣>Tomamu Station (1小時)


入住The Tower (平日HKD2700以上/1晚/2人) 已含早餐,附纜車券、住宿期間免費享用微笑海灘(室內人造浪泳池) 及木林之湯露天風呂,建議大家當晚就享用微笑海灘/木林之湯露天風呂。森林餐廳係屬於自助餐形式,款式唔係太多,如果大家想食高級食材嘅話,可以預約另一間自助餐 Buffet Dining Hal。
The Tower The Tower
第三天行程:早上登上雲海平台,入住旭川
凌晨三點,咁早起身就係要登纜車觀賞雲海/日出,酒店會安排巴士疏導人流盡快安排到達纜車站,大家不妨早啲起身……因好多人排隊,有機會遲咗觀賞雲海最好時間,天氣好嘅話先會睇到雲海,如果唔係就一片霧海!
 雲海平台
Cloud Pool
雖然雲海已經散去,但能見度好高,都算好彩呀……
 
 雲海平台雲海平台
雲海平台仲有好多設備:Cloud Walk,Sky Wedge,Contour Bench,Cloud Bed,Cloud Bar。下山後,享用早餐,就出發旭川。
第四日: 旭川—旭岳 *大雪山*
由旭川站對出就會見到巴士站行去9號台,就可以直接到達旭岳站,2樓山麓站纜車入口處可以買到來回既纜車票……終點站—姿見站。旭岳的散步路線第1展望台(旭岳大雪山)>滿月沼>經過第2、第3展望台>摺鉢池>鏡池>兩個池合稱為夫妻池>第4展望台>姿見之池 or 上山頂>第5展望台>下山
 大雪山
 夫妻池

姿見之池
第5日 回到札幌小樽:
JR小樽旁有三角市場,先食吓啲新鮮魚生丼,再行6-10分鐘,就見到小樽出拔小路/ 小樽堺町通り商店街,手信街如果間間鋪都入去行,應該可以行到2小時,最值得北一硝子(1-3館) 玻璃產品好精緻,價格好合理。


好出名6種口味6層霜淇淋,好受女士歡迎。
 
小樽音樂盒堂 *必去*

小樽音樂盒堂
最後欣賞係最小樽運河。
 小樽運河


第6日 札幌>場外市場>回港
札幌乘坐一個站桑園駅,嚟到場外市場,呢個海鮮市場好多攤檔都賣緊最新鮮嘅海鮮,最正就係揀隻蟹清蒸……檔主會即刻幫你加工/刺身拼盤切,非常之新鮮。最後去水果檔買夕張蜜瓜空運回港(檔主會幫你pack)讚!
 場外市場場外市場場外市場


撰文︰
BOLING KONG    專業旅運柴灣分行    

直線電話: 5506 0432
電郵: bolingkong@texpert.com