台北3日2夜.帶住阿囡去旅行初體驗

親子遊

2020-12-29
分享

好多人擔心小朋友太細個出門旅行會好麻煩,計我話其實預先計劃好就一啲問題都無,仲可以有個難忘假期。阿囡就嚟2歲生日,老婆話阿囡生日之前,不如近近地去轉台灣試下先。

旅遊時間 2019.01.17 ~ 2019.01.19
預早2個月訂定機票,諗住今次帶住阿囡出門住好啲先,我地兩夫婦連埋阿囡,3個人加埋唔洗1萬蚊就嘆下世界先。拿拿拿~唔好話貴先…今次唔想老婆咁辛苦,見到國泰商務艙做優惠,就即刻衝去訂,俾個驚喜旅程老婆同阿囡。

帶住阿囡唔想太早起身,今次出門揀左中午機CX406 (HKG-TPE)12:00—13:50
阿囡知道有得出門好開心,帶埋佢最心愛既公仔去旅行添~
第一次去機場,我緊係要同媽咪影張靚相打卡先,Check in完有時間就可以去Lounge坐一陣,食少少野,阿囡仲可以睇飛機,台北機程話咁快就到,阿囡未睇完卡通片就落機。

on flight

我哋一早BOOK咗架7人車由機場—酒店接送,所以到埗之後,就有專人在接機大堂等我哋,老婆都好開心,唔洗搭車又轉車先到酒店,今次住係台北車站旁既君品酒店,地點真係超方便!

Day1
到咗酒店,放低行李,就帶住老婆阿囡出去食好野。台北同香港好似,捷運好方便,如果怕辛苦就搭的士,因為的士都相當便宜實惠。

今次帶吓老婆去食啲高質打卡店先~瞞著爹MANJEDAD,扮偽文青打卡呃Like 推薦熱點,阿囡都好鐘意食壽司。夜晚緊係去埋曉河夜市行下食下野~阿囡樣樣都爭住話要試食,食完之後再搭的士去埋台北101,上到去睇晒成個台北既夜景。

Day2
由於阿囡太累,訓到自然醒都差唔多11點,即刻出發去阿囡最期待既台北市立動物園,去到門口已經瘋狂大叫勁開心,即刻跑去門口個長頸鹿影相,入到去見到熊貓、大象、老虎、馬騮都勁開心,最後坐埋貓空纜車先落返嚟~阿囡放晒電,累到訓著咗,於是我哋又搭的士返酒店,晚餐都唔去太遠,我地去住緊君品酒店既米之蓮3星—頤宮食晚餐。

台北市立動物園台北市立動物園台北市立動物園

Day3
嚟到最後一日,我哋就去左西門町買下手信,食下啲地道野,飲啲正宗台式珍珠奶茶。

珍珠奶茶珍珠奶茶
關於行程:雖說是3月2夜的旅行,但行程絕不可以偷懶,3天都帶了老婆阿囡玩了好多地方,食了好多地方!可以俾阿囡透過玩耍體驗來感受世界,令阿囡對新事物感到興趣。
第一次湊阿囡出門初體驗真係累,但小朋友開心真係值得!

 

Rico Tse
專業旅運荃灣分行
直線電話:2152 3578
電郵:ricotse@texpert.com