【SUNQ Pass x JR Pass】九州4天行程攻略

景點

來源: 2018-01-04
分享

今日同大家介紹吓呢張SUNQ Pass!咩係SUNQ Pass?其實係一張喺九州/北九州無限搭巴士同渡輪嘅交通Pass。使用方法好簡單,只要搭巴士時Show俾乘務員睇就得,九州市内巴士、長途巴士、部分渡輪都用得。有部分巴士就需要預約,不過只要你用過JR Pass,呢張Pass都一定難你唔到!

 

不如睇下用SUNQ Pass嘅4日宮崎、鹿兒島自由行行程!

 

第一日:香港→宮崎機場→山形屋

bbfb1b9af2e6cfef3fbb414dfb7ea862.jpg

 

fa15ac5a0971d2390788248c86b9652b.jpg

 

由香港出發,坐香港航空直飛宮崎!落機之後就可以坐宮崎市內巴士,大約20分鐘就可以去宮崎山形屋Shopping。

 

photo.jpg

bkn-20160911180204631-0911_00982_001_01p.jpg

之後晚餐可以品嚐好出名嘅宮崎和牛!

 

夜晚就入住宮崎Dormy Inn溫泉酒店,Dormy Inn呢個品牌就係有保證,有溫泉浸,夜晚仲有免費拉麵!

 

第二日:酒店→飫肥城下【城下町】→日南太陽花園【復活節島石像】→鵜戶神宮→青島【鬼之洗板】

 

由酒店出發,坐大約1個半鐘JR去有「九州小京都」嘅日南市飫肥城下,喺充滿歷史文化風情嘅飫肥城下町,邊食邊行。

之後可以搭50分鐘巴士去到日南市另一景點-日南太陽花園。呢到有咩睇?呢到可以見到全球唯一受到復活島長老會允許建造嘅摩艾石像,七個摩艾石像分別可以幫助大家工作、健康、戀愛、整體、結婚、財運、學業!加上身後仲有一望無際嘅大海,唔講以為自已飛咗去復活島!

再搭巴士大約26分鐘就可以去到鵜戶神宮。呢個神宮最特別嘅係本殿就位於天然岩窟入面,另外因為要參拜,就必須沿著石階往下行先去到正殿口,所以又有「下り宮」之稱。

 

如果仲有時間,想行程再豐富啲,就可以搭多1個鐘巴士去青島,點解佢叫做青島?原來島上有5000棵亞熱帶植物!呢度仲係新婚夫妻度蜜月嘅熱門地方?!

 

第三日:宮交城→天文館道→櫻島港→鹿兒島中央車站→指宿溫泉【熱砂浴】

首先由宮崎宮交城搭JR去鹿兒島天文館道,呢度係鹿兒島最大嘅購物街,可以買手信同瘋狂Shopping!之後可以去鹿兒島港搭船去櫻島。

櫻島可以話係鹿兒島嘅象徵,櫻島係一個海上火山島,遊客可以去位於海拔373米嘅湯之平瞭望台,喺呢度可以近距離睇到活火山噴發口,仲可以360 度遠眺風景!

 

嚟到鹿兒島,當然要去指宿試吓全世界知名嘅熱砂浴。 瞓喺沙灘上,感受溫泉嘅熱氣透過沙層傳到全身。

由櫻島搭返船去鹿兒島港,之後由鹿兒島中央車站,搭2個鐘巴士去指宿。夜晚就可以入住指宿海上溫泉酒店,浸返個水上溫泉!

 

第四日:仙巖園→鹿兒島機場→香港

 

最後一日行程就輕鬆啲,由指宿返去鹿兒島中央車站。之後去日本傳統庭園-仙巖園。仙巖園背山面水,巧妙咁將遠方櫻島納入庭園作為假山,融合埋山石、樹木、竹林,體現到日本庭園嘅細緻。之後就開開心心,由鹿兒島返香港~

 

邊到可以買SUNQ Pass 同 JR Pass!?呢家只要喺專業旅運嘅分店、網站,就可以幫你預訂到啦,要輕鬆遊九州話咁易啦!