分享DAY 1
香港快運2019開始有直航宮古島(下地島) 機場啦 !
香港出發 08:55 /12:00
一到步 ! 見到機場好新，睇番原來一日只得幾班機 所以當日出境大堂暢通無阻！一出機場 (我見同機人大都是自駕遊) ，但由於無車牌今次只好坐巴士 + 的士。統計過 4天 TOTAL坐車大約 HKD 2500。
CHECK IN酒店 HOTEL LOCUS (2018落成) ，今次訂左STANDARD DOUBLE ( HKD 800一晚 ) ROOM SIZE / 15.7㎡ 好適合今次只帶1件行李，全部房都是Sea view有個小露台。幾鐘意今次班機時間!! 剛好Check in放底行李。行去市中心大約20mins，果邊就係宮古島最旺一區 (幾乎晚晚都去果邊晚餐)。
Lunch 食左一間果邊好出名既拉麵店–麺屋 サマー太陽，每碗大約HKD 60-80 ，店鋪無餐單 ~ 只有一部機係入錢撳機。我地叫左一碗龍蝦拉麵 、一碗蜆肉拉麵 ，麵質係我地都好鐘意既硬麵，食唔夠飽我地再加多碗芝士飯 ，老闆教我地用拉麵湯底加入去飯，超好味！後尾發現原來個個食客都有order芝士飯，果然係人氣店， KEEP住有客人入!!
食飯夠鐘返酒店對出的海邊睇日落 ，由於一月份，落水實在太凍！我地都只係濕下腳，好鐘意呢種無咩遊客，只有本地人的地方。
之後就番酒店休息下，睇下日本電視節目再等食晚餐。晚餐去左一間食豬豚肉的餐廳，豚匠。由於今次抱住食唔到都無所謂! 我夏天一定會再黎過的心態，無預計任何餐廳！好好彩入到去有位仲要全部都有房仔! 職員安排左我地入2人細房。
呢份吉列豬排大約HKD 100，點生雞蛋食 ~肉色粉紅色，肉質好軟多汁，係我人生中第一次食咁好食的吉列豬！仲要價錢都唔貴！實在太唔好意思只食一份餐， 結果叫埋下圖shabu shabu，係沖繩豬，大約HKD 200一人份 /但必須叫2人份，以下已經係2人份量，湯底只是清水加一片昆布，最鐘意日本咁原汁原味！係對自已食材有信心先會清湯， 食完岩岩好飽晒。
DAY 2
酒店行15分鐘到巴士站有車直到池間島，但留意班次好少，每90分鐘一班，沿路風景好靚，又去海邊行下！咁啱當日想去果間餐廳休息，就坐番的士出市區 Aeon supermarket，全個宮古島就只有呢一間大超市 ! 買左好多零食手信。番酒店放低就去食尋晚BOOK定既海の幸 係正酒店旁邊 ! 睇左好多日本當地人的BLOG都有介紹。
仲有好多好多無影到相 !! 全餐都只係HKD800 ，係香港會貴好多。
DAY3
今日一早起身即刻的士去南部一間專門食豬骨 +豬手麵的平民餐廳 丸吉食堂，每碗大約HKD 50 ，個湯底不得了 !! 好清甜 ，係中粗麵條配上好入味又軟身的豬肉骨。
再之後行去instagram打卡CAFÉ 島cafeとぅんからや，由於今日要食5間所以只係每人叫杯飲品一杯係菠蘿smoothie 另一杯係芒果沙 (每杯大約HKD 50 ) ，望住大海，原來附近好多靚酒店其中一間 Shigira Bayside Suite ALLAMANDA好靚 !!感覺如果夏天住實好正
再之後就行打算的士去來間島，等左好耐都無車，用Call車apps都係無車，只好叫cafe幫手叫車，職員好快就call到架的士，司機都好nice不停話宮古島夏天會好靚，叫我地一定要再黎。
去到來間島海邊 ムスヌン浜 ，一條長長海岸，得好少人行 !! 我地又落水啦 ，濕下腳玩下沙~天陰陰 影相都唔太靚 !之後食午餐 楽園の果実 ，呢間客滿 所以等左大約 10-15分鐘 ，叫左個意粉 另加一個紫薯芝士飯，好甜呀呢個紫薯， 不過真係好飽。
原本打算就埋旁邊間果汁店AOSORA PARLOR，但實在太飽 所以又要再去海邊行下消化下。大約4點幾就返返出酒店 ，又係叫的士 ，所以自駕遊真係方便好多 ! 因為我地又等左好耐先有一架車！番到酒店休息下 就行去食晚餐 ！由於係最後一晚 ~ 要食期待左好耐既宮古牛。我地去左喜八別館(另外有本館)，但由於本館已FULL所以我地行去格離街別館，一入去前後左右都係香港遊客，同其中一家人傾開，佢地已經係第2晚食 !! 9佢地話又平又抵食。我就叫左宮古牛SET ( HKD 300 ) ，咩部位都有2件 !! 一啖牛一啖飯！加埋叫左個蔬菜拼盤已經好飽 ~因為今日已經唔知食左幾多餐 ~__~
DAY4 最後一日食左個酒店早餐，由於我地訂房. 選擇左不包早餐，所以果日用walk in 價錢，大約HKD 100 每人， 選擇真係唔多 但坐底左又唔好意思要走，早知食便利店飯團~
.jpg)
早餐後汁好行李就的士出機場，由於每星期只有3班機，所以回程班機大多數都係當日DAY ONE 果班客人 ^_^ 機場只有2間手信舖，但都算多種類，但全部都係零食，完全無名牌子免稅店。班機時間比較早13:15 起飛/ 14:45到香港，當日好準時起飛到香港都好準時。
宮古島 ! 一定會再黎 希望香港快運直航可以KEEP 住有 !! 下次去一定會夏天去可以浮潛！
CHLOE LAM
專業旅運銅鑼灣分行
直線電話: 3700 2854
