分享嘆完個早餐準備出發喇，09:00準時起飛，我地大阪見！
.png)
13:50終於到大阪了，我地用最快同直接既方法出日本橋，所以選擇左搭南海電鐵。今次我地住翻新左既酒店SOTETSU GRAND FRESA OSAKA-NAMBA，真正平 !! 靚 !! 正 !!
Day 1
安頓好哂之後緊係第一時間要去醫肚啦，呢間係我每一次去大阪都必定會去食既「吉列牛」，係會上癮嫁！
餐廳︰牛かつ富田
地址：大阪府大阪市浪速区難波中2-3-1 2F
營業時間：11:00 ~23:00
富田位於難波，餐廳最近嘅出口係難波地下街(Namba Walk)E9出口，再步行約4分鐘經過埋NAMBA CITY後左轉就好容易發現到佢。
食完都已經接近8:00PM ，所以我地就去左心齋橋行下，掃下街頭美食就結束第一日HEA爆旅程了。
大阪王將餃子、蟹道樂– 即燒蟹腳、道頓堀 麵粉博物館 – 章魚燒、海膽 、白草莓。
Day 2
一早緊係要去會一會黑門市場啦，食返個海鮮餐做早餐先！
然後出發去京都，再食個午餐。
食飽就要做下運動喇，去行下伏見稻荷大社 - 千本鳥居，好好彩睇到日落，要上到頂真係要行好耐嫁，挑戰左一大半已經投降了。
夜晚去左梅田行個圈，去左「HEP FIVE」坐摩天輪，食埋個Dinner就返去大教訓。
Day 3
嘆個靚早餐就出發去環球影城喇！
.png)
由朝玩到晚，我地特登揀星期二去，無咁多人，博一博連 FAST PASS 都無買，好彩都唔駛排好耐隊。
玩到飽喇，就當然要去食餐好啦，返左難波食個燒肉放題，唔算貴，質素掂，大胃王首選！
國產牛燒肉 あぶりや <--位於難波東方酒店入面
飲飽食醉要返去好好休息了 ~~~~
Day 4
今日可以HEA住出去，第一站係一直都好想去既「錦市場」，呢個地方好大下，用左大半日時間都行唔哂，市場入面既美食唔算開得太晏，想多選擇就要早啲去到喇 ！
行下行下都已經入黑喇，又係時候閃人，誤打誤撞喺心齋橋入左間食蟹嘅放題晚餐，不過不失亦唔算好多野食。
Day 5
嚟到最後一日喇，好唔捨得，最尾一日時間唔多，只可以係酒店附近行下，所以決定去多次黑門市場。
.png)
之後去左Osaka Orange Street搵人氣品牌 Supreme。
返到心齋橋最後衝刺就要出機場，期待下一次旅程。
相關產品︰
撰文︰
WAN LAI 專業旅運元朗分行
直線電話: 3959 1692
電郵: [email protected]
