分享首爾呢個 Trip係2月出發，嗰陣香港都開始爆發肺炎，不過未算好嚴重，都有諗緊出唔出發，不過正所謂既來之則安之，最後決定如期出發。
同時，今次收咗屋企人order要撲口罩！嗰陣首爾都好難買到口罩，度度都無貨同埋價錢都係貴，1個KF94都賣緊$30 (貴都要買，鬼叫嗰陣香港無呀！ 有都係天文數字)
當時首爾市未開始大爆發，市民主要都係年青人先戴，咁我哋梗係唔理佢哋啦～自己保護返自己先，就今次我哋入住弘大的l7酒店，酒店開咗大約2年幾，我觀察到酒店客人相對後生同埋酒店設計都係比較young啲。
呢間酒店的防疫措施做得幾好，樓下已經有溫度探測機，上到reception仲有酒店職員人手探多次，呢啲時勢穩陣啲好，而今次我哋活動主要圍繞弘大附近，交通/行街/食野都好方便。
店名：二代祖馬鈴薯排骨湯
Size分大／中／小，咁凍環境，配熱辣辣的白飯一流。
店名：炭燒風川鰻魚
燒完香噴噴，正呀！
店名：E章魚人間
一煲入面有鮑魚、雞、青口同埋章魚，一個字 (鮮)。
呢次專登去馬場洞韓牛一條街食牛，不過坐地鐵有啲唔方便，落咗車仲要行10-15分鐘，所以回程我選擇咗坐的士！韓牛嘅油脂無咁重，肉味都無台灣溫體牛／大陸牛咁濃，上面嗰碟係最高級的1++level，所以我自己都係覺得和牛好食啲，旨在見識下咁囉～
另外，有日我哋去咗食醬油蟹，(間嘢唔記得咩名， YouTube有好多唔同餐廳介紹)，好好食，個汁好正，撈飯又係無得輸，右邊個生八爪魚一般般啦，麻油味重， 其實韓國麻油都出名，好多人買返去做手信。
其實今次呢個trip點解仲會出發，唔係馬後炮，因為都估到有排搞，真係唔知幾時先可以飛到...打呢篇野個陣，香港每日過百確診，市民生活苦過乜咁，不過我地香港人，絕處逢生，一起加油！
Perry Chan 陳銘堅
專業旅運柴灣分行
直線電話: 37002832 / 55060461
