分享輕輕鬆鬆三日兩夜海上假期—星夢郵輪世界夢號
本人因為見有特惠船票，所以好想喺親媽媽做手術前帶她去體驗一下。
今次我哋住露台房，雖然今次我不是第一次上船，但都特別提醒媽媽帶暈浪丸。
當日，特登早到德福商場，一心打算坐接駁巴士，但因為人太多，所以坐的士去遊輪碼頭。當然我要讓媽媽打卡先，影返隻世界夢號船模型先。
跟住我哋上船第一站就先去餐廳醫下肚仔先，等夜啲啲再帶媽媽去食船上最出名既黃金魚皮、肉骨茶、蝦面、海南雞飯，魚皮新鮮炸起簡直一試難忘，始終係東南亞船公司，整返東南亞美食確實係唔同啲。
記得魚皮只係喺藍湖餐廳先有得供應，同埋個碗激平而多到大過你塊面既沙冰，都係喺藍湖餐廳先有得食。
食飽飽就返房啦～船都航行出公海途中，有了上次經驗，我今次一定關好露台門先瞓，上次因為關唔實個門，所以好嘈。房內空間大又唔逼，所有酒店用品一應俱全。唯有美中不足係沖涼用品Downgrade咗,，因為第一次係用緊Salvatore Ferragamo。
由於本人太鍾意瞓覺關係，所以無食早餐呀！～ 媽等唔切我就先去食早餐，佢話早餐唔錯，又多選擇，跟住我食完中午飯（試咗個日式鐵板燒），就同媽媽玩陣水，又去埋玩VR（本身打算同媽媽食返個Tiffany下午茶，但我又唔記得咩原因又無去食到啦！）。食完晚餐，媽媽就去賭場交下學費先，而我就去睇 Show同玩 Bigg，船上雪糕做緊特價，20 蚊3 球，我當然唔會放過呢個優惠啦！夜晚再匯合我媽媽去做個中式按摩。。。講真船上按摩唔算貴，我覺得仲抵過返大陸按摩，始於佢場地安靜，技師又好手勢，值得一讚係佢燈光調較得好好，令到你好 Relax，按摩完仲有生果食添～焗一焗桑拿就返房覺覺豬啦！
話禁快就完成 3 曰 2 夜假期，瞓醒我都唔想落船，船上張床真係好好瞓。落船前找埋數就返屋企喇！!
P.S. 溫馨提示：上船唔可以帶野食同飲品，仲有電拖板，如果唔係就會被人扣起碼頭，不過唔帶現金都一定要記得要帶信用卡，船上有好多特色商品賣，而且船上係計港幣，差不多每間銀行嘅信用卡都收，所以唔使驚蝕咗匯率同手續費。
ASTER KAM 甘小姐
專業旅運荃灣分行
直線電話: 3700 2270
