分享一直都想帶公公婆婆去旅行，但由於佢哋已經80幾歲，坐飛機怕機程會對佢哋嚟講係辛苦，咁啱見到全新郵輪海洋光譜號喺2019年5月尾會來香港，光譜號2019年4月11日先首次下水，我今次訂的行程是香港到上海5天4晚，中間不會泊岸，全程玩船的設施，露台房每位港幣五千左右，都算幾抵！
船高16層，載客量達5,622人，係暫時亞洲最大郵輪。由於呢艘船由新加坡開出，香港是中途站，所以當日只有少量人登船，不用10分鐘就上到船，船公司安排到我和公公婆婆兩間房在旁邊，當然大家記得要做Booking時同船公司落Request 啦～
間房好新淨，仲有一陣陣新裝修嘅味道，好鍾意 ^00^
公公婆婆都超開心，由於呢?船會香港停一晚，第二日旁晚先開船，所以夜晚可以睇維港景色～
之後我哋就出發預訂特色餐，我訂了USD 79 每人 （可以自選三間收費餐），三間收費餐廳我哋分別食：鐵板餐 、Jamie＇s Italian、火鍋。
鐵板餐
Jamie’s Italian— 超抵食，因為所有Menu都可以任叫 食物水準都好高。
火鍋 （位置係高層船尾）一路食覺得好暈 ，食物質素屬於普通。
早餐方面，無收費餐廳可以選擇，有一間全自助餐 ，另外一間就可以即叫即煮。我哋只食咗一日自助餐早餐，其餘都去主餐廳度食。
皇家劇院Royal Theater 係我哋每晚都會去嘅地方，每日有兩場大show，有歌舞表演，又有魔術，不設劃位，開show前15分鐘自由坐位。我留意到套房客人就可以坐最正中，不過公公婆婆就話全部英文唔識聽，我就諗下次要帶佢哋坐世界夢號，因為上次帶過我爸爸坐世界夢號，全部中文國語會比較適合佢哋 ^_^
另外有VR高空彈跳、北極星North Star 360°全球高空觀景台、RipCordobyiFLY模擬高空跳傘、FlowRider甲板衝浪。
呢個iFly 要Prebook！
雖然設施夠多，但我哋都有買船上Wi-Fi，大約HKD 200 一日，其實都真係貴，不過唔想與世隔絕！
我老公就好嘆 日日都喺露台度睇漫畫。
總括五日嘅行程，一啲都唔悶，因為第一日傍晚上船，最尾一日係一早就落船 ，所以三日full day，我覺得啱啱好，玩晒全部設施！
期望疫情可以快啲完 >__<！
因為呢?船本來有好多行程，可以由香港出發去越南或者日本。
Chloe Lam
專業旅運 荃灣綠楊新村綠楊坊分行
直線電話: 3959 1687
