分享Day1
到咗曼谷國際機場就出發去芭堤雅喇！一般去芭堤雅嘅選擇有巴士/的士/包車接送。
1. 巴士車程大約2.5小時，122THB 一位，
2. 的士車程會快0.5-1小時左右，大約1300-1500THB一架車，大家可以視乎預算去選擇
我偏向想舒服啲，始終車程較長，所以最後揀咗包的士入去。今次訂嘅酒店雖然距離市區Central要20分鐘車程，位於中天海灘嘅U JOMTIEN PATTAYA，揀佢嘅原因有幾種，係一間性價比高嘅4星新酒店！
1. 被佢個海景無邊際泳池吸引
2. 遠離煩囂，可感受寧靜假期
3. 24小時彈性早餐，用餐時間及地點可按自己需求選擇，啱哂一啲唔中意特登早起去食早餐嘅客人
到達酒店後，被酒店門面設計吸引左幾秒，玻璃屋嘅設計，左邊係辦理入住櫃台，右邊係ALL DAY RESTAURENT，設計簡單又精美！辦好CHECK IN 手續後，就上房喇~今次預訂嘅房種係海景套房，不論房間景色/設計都令我十分滿意，包早餐連稅一晚800HKD 都唔洗，新酒店同套房嚟講，呢個價錢係市區絕對做唔到！
拎完房就出去醫肚喇，為左方便出行，係酒店租左架電動滑板車，沿住海邊踩，吹下海風，幾寫意！
海邊沿岸有好多餐廳臨立，搵野食都好方便，大約踩左10分鐘，就到左呢個評分唔錯嘅餐廳！
價錢比市區餐廳較相宜，碟頭不算太多，2個人可以叫多幾個小菜。
食完LUNCH 就馬上返酒店試佢個游泳池喇，酒店泳池位於天台，除左泳池之外，仲有個酒吧區同休憩區，客人仲可以揀喺呢到享用24小時早餐。
回房間梳洗後，就準備出發酒店附近嘅夜市搵野食喇！JOMTIEN NIGHT MARKET 係中天海灘唯一一個夜市，由酒店門口出發搭雙條車10分鐘就到喇！所謂麻雀雖少五臟俱全，應有盡有！我地嘅晚餐都係呢到解決，而且晚上仲有LIVE BAND SHOW，氣氛幾好，食飽就返酒店休息喇，第一日嘅行程完滿結束！
DAY 2
起床後第一件事就係叫佢嘅24小時早餐！喺間房食果然係感受不同，食物都相當精美， 重點係ROOM SERVICE 係冇EXTRA CHARGE。
食飽就出發去Ramayana Water Park Pattaya，交通方面我直接由Water Park官網訂購，拼車只需120THB一位就可以由你酒店接你，車程約20分鐘左右就到。
據稱呢個係全泰國最大的水上樂園，園內有一個直立式滑水設備，處於一個類似於太空倉之內，按鈕一按，底板一離開，人就會直立式衝下去，好刺激！
梳洗後就出發去一間餐廳叫The Glass House Beachfront Restaurant and Bar，建議最好6點之前到，就可以順便睇埋日落景色喇。
第二天行程完滿結束。
DAY 3
CHECK OUT 後，
臨離開之前決定去潮聖一下PATTAYA新落成嘅商場 TERMINAL 21 PATTAYA，個人感覺係同曼谷嘅T21一模一樣。
最後就出發去機場返港了 3曰2夜旅程完結！
KITTY YEUNG
專業旅運將軍澳Popcorn分行
直線電話: 3700 2262
