分享一提到馬爾代夫呢個地方，即刻令人有種放鬆嘅感覺，完全感受到熱辣辣嘅太陽連住海灘成為一線嘅畫面，所以稱得上係人生必去嘅其中一個景點！去馬爾代夫一定會揀一間令自己滿滿期待嘅酒店入住，今次我揀左Club Med 集團 Finolhu Villas Resort
Source：instagram｜kimberleymende
交通：由馬里機場坐大約40分鐘快艇就到，十分方便快捷！
簡單講一下位於馬爾代夫嘅Club Med 分左2個主島，一邊係Club Med卡尼島，適合親子遊~一家大細盡情地玩同食，另一邊係馬爾代夫Finolhu豪華別墅，屬於浪漫型，最適合夫婦或情侶，如果有小朋友滿8歲以上都可以住Finolhu，但就只可以住沙灘別墅，要留意喔！
水上活動主要喺Club Med卡尼島，而Finolhu豪華別墅跟Club Med卡尼島只係5分鐘快艇距離，相當方便！
Club Med 最好就係會有好多唔同種類活動提供客人參加，假如你係一個好熱衷參與活動嘅客人，對住日日唔同嘅活動安排可以話係多姿多彩，所以即使住6日4夜或更長時間都唔會覺得悶！
我今次一連3晚入住Finolhu Sunrise Pool Villa，房間內有套房專屬泳池，每日對住大海食早餐真係好寫意，住喺Finolhuo會有私人管家服務，例如訂一天遊出海，浮潛/深潛活動，約時間做按摩等，總之有野就搵佢幫手，好貼心呀！
Source：instagram｜reputation811101
我由別墅行落水已經即刻可以享受浮潛，仲見到小鯊魚，MO仔魚，好多好多一群群嘅大魚細魚喺我身邊游黎游去，玩得好開心！玩到累上返別墅攤喺DAYBED飲下野抖下，超級超級爽！！！
每到早餐，午餐，晚餐時間行去餐廳食就可以啦，而早餐亦可以叫管家安排送房享用，呢次旅程好Hea好Relax，亦係令人常常懷念嘅一趟旅程！
Source：instagram｜thetripgoddess
出發前都要留意一下馬爾代夫的天氣，11 月- 4 月是旅游旺季，風浪細、少雨，適合各種水上活動；而馬爾代夫的淡季就是雨季，主要會帶來暴雨，但不會持續很久，對旅行影響不大，但風浪比較大，浮潛或進行水上活動時要格外注意安全。
入住Club Med 嘅好處係一個價錢包哂食，玩，住，只係一部分活動需要再付費。只要你有日子同地點，價錢可以向我RENEE LEUNG 查詢，Club Med 定時都會有唔同嘅優惠架！^^
RENEE LEUNG
專業旅運沙田分行
直線電話: 3700 2627
