分享今次一家十口去沖繩，當中有老人有小孩，車都要租兩架7人車，喺日本揸車記得要先去運輸署申領國際駕駛許可證先。
Day 1
今次選擇咗香港航空既早機，落機之後就坐租車公司的接駁巴士去拎車。第一站去左買煙花 ，呢到嘅煙花種類真係多到你唔信，大大小小咩都有！我哋就買咗2大袋。買完之後就直接開車上名護，去今日嘅第一個景點—水果樂園。
選擇去水果樂園，而冇去到名護菠蘿園，原因係水果樂園入面有一個類似完成任務的探險，可以比小朋友一個一個咁跟住去玩，可以了解各種水果既特色(只有英文日文)。
玩完水果樂園我地去咗睇季節限定的繡球花，饒平名繡球花園，成個花園有8000株繡球花，場面真係好靚。
よへなあじさい園（沖繩繡球花祭）
營業時間： 9:00am～6:00pm
休息日：花期時無休（5月下旬～6月中旬）
地點：沖繩縣國頭郡本部町伊豆味1312
之後我哋就返咗酒店休息，準備第二日的精彩行程。
Day 2
一早起身我哋就出發去古宇利島。
然後就係沖繩美麗海水族館，去之前記得上定網睇定時間表，安排好行程睇表演。
我哋就睇咗呢兩個：
13:00 海豚秀 (約20分鐘）
15:00 鯨鯊餵食 (2hrs)
去完水族館就開車落中部，遊覽部瀬名海中公園、海中展望塔+玻璃船，最後就入住Kafuu Resort Fuchaku Condo Hotel，如果一家大小嚟呢間酒店真係好值得推薦，房間大，有好多小朋友設施可以租，又有廚房可以煮野食。
Day 3
呢一日就參加咗青之洞窟—浮潛一天遊，自己開車去集合地點，之前開始教你裝備點用。值得一提係小朋友個水泡，喺下巴位有一個潛望鏡，咁就可以比佢地好清楚咁睇到水入面的魚。今次教練仲係講廣東話，真係玩得好開心！
.jpg)
玩完浮潛就去咗萬座毛影相，下午就留喺酒店嘅沙灘同泳池玩水，夜晚出咗去食沖繩最出名的石垣牛最後就返沙灘玩第一日買的煙花。
ゅうとん合戦 恩納御殿
地址：583-1 Nakadomari, Onna, Kunigami District,
Okinawa 904-0415日本
Day4
早上去左黑潮公園，比小朋友放下電，之後就去泡瀨漁港食海膽焗烤龍蝦。
食完飯就去美國村買下嘢影下相，夜晚就返去那霸國際通 Checkin酒店，晚餐-第一牧志公設市場。
Day 5
今日就去沖繩世界文化王國-玉泉洞，比小朋友體驗琉球風情同感受自然美景。玉泉洞其實係一個鐘乳洞，而王國村就可以著上琉球傳統服飾，製作沖繩傳統的紅型染繪、藍染，彩繪石灰沖繩風獅爺等等……
園內仲有表演睇，太鼓舞、毒蛇表演秀（毒蛇博物館公園）、琉球玻璃工房，自己吹玻璃，當然仲有好多手信可以買，咁就玩左一整日。
.jpg)
晚餐我地返咗國際通，去咗一間好特別的鐵板燒到食，
Sam's restaurant店名（日語）サムズ セーラーイン国際通り店
地址 〒900-0013沖繩縣 那霸市 牧志3-1-3
一入到Sam's restaurant就會覺得係別有洞天，因為就似進入咗船艙，就好似係一架船入面食嘢，非常逼真！店員仲好好人，每個小朋友都送咗一頂水手帽比佢哋，
嘢食好好食，價錢又唔貴！另外，呢到特別飲品個杯係有唔同造型，埋單個陣佢會拎一隻新的杯送比你拎走。
Day 6
話咁快就到咗最後一日啦！最後一日我哋就留咗係國際通買手信，最後血戰，之後就開車去番車公司還車，坐車公司安排的車去機場。
Oscar Chan
專業旅運奧海城分行
直線電話: 3700 2812
[email protected]
