分享趁暑假諗住帶阿女去玩之餘，又想同太太浪漫一下，諗左好耐，終於決定去新加坡，玩完再飛馬爾代夫.可以去新加坡玩環球影城滿足阿女，又可以去馬爾代夫同老婆浪漫一下。
新加坡: 松發肉骨茶 / 唐人街夜市
早機出發去到新加坡都係下午1點左右，可以係機場食左當地美食松發肉骨茶先，食完後建議可以去Terminal 3去行一陣街，呢個新機場環境好好，加入左好多環保概念喺入面，值得一去。
返到酒店休息左一陣之後就出發去左唐人街夜市覓食，好多當地既人氣小炒，食完之後當然要買返個榴槤bb食下啦！
新加坡環球影城冇日本咁大，用大半日時間玩就啱啱好。
玩完之後可以去返VivoCity入面既無招牌海鮮，試下新加坡地道招牌胡椒蟹。
第三日我地正式出發去馬爾代夫！新加坡出發馬爾代夫只需要4.5小時，由於早機出發去到只係中午，到達機場後亦有酒店職員帶我們乘搭豪華高速船，大約40分鐘就到達酒店OZEN By Atmosphere at Maadhoo Island。
終於到達人間天堂，到達後有私人管家服務，幫我地編排好行程，由於我們選了全包的套餐，一日三餐，房間的酒水，甜品也沒有額外收費，管家亦已安排好不同的餐廳，給我們可以全部體驗，非常體貼。
房型是WATER VILLA，可以直接跳入海中玩浮潛，另外酒店還包括了 1次黃昏海釣及1次自選遊活動，我們選擇了出海看海豚，1次45分鐘水療按摩，完全忘卻煩憂。
特別一提的是酒店的海底餐廳M6M，其他酒店的海底餐廳大部份都需要付費，而且價值不菲，這裡只需要入住4晚或以上，就可以免費享用一餐高級的海底餐廳了。額外注意一下，如有小朋友就只可預約Lunch時段。
總括而言，之前一直覺得馬爾代夫是一個消費很高的地方，不過原來提早預訂後，費用其實並沒想像中的高昂，而且費用都已包括了當地的消費：飲食，酒水，活動，基本上去到已沒有很大的開支，看餐牌可以不用看價錢，完完全全享受真正的渡假感覺，大家有興趣的話一定要一試！
ROY LAM
專業旅運屯門分行
直線電話: 3420 6864
