分享從東京市去河口湖主要兩個方法，可以選擇JR火車 或者巴士。由於今次酒店選擇係新宿附近, 而且唔需要轉車直達河口湖站，所以直接選擇巴士。但由於巴士到達河口湖需時只少兩個鐘，所以必須要早出發，我的出發時間是早上八點。
富士急行巴士費用：
約2小時，費 2000日元／人
大約早上十點半到達河口湖巴士站後, 我哋步行約10—15鐘到達河口湖，其實河口湖有多間出名的溫泉酒店，例如；富士河口湖溫泉湖南莊酒店，大池酒店等等，都幾值得住，大部份溫泉酒店仲可以揀河口湖景或者富士山，不過今次係即日來回（一天遊），我地只有去河口湖附近參觀，而河口湖周邊仲有好多特色小店，都好值得睇！
由於我地今次旅遊時間係11月頭，都算喺紅葉季節，所以可以睇到有紅葉美景嘅河口湖，我地之後去左坐富士山景觀纜車去欣賞富士山，來回票價約900日元／人，而且當天天氣比較好，可以睇到一個有頂既富士山，聽其他人講，唔一定睇到架！如果你地有時間真的好值得上去睇睇！
之後，大約下午一點左右，我哋去左一個叫富士河口湖庭園嘅地方，本身係一個欣賞花卉既地方，不過都要睇季節性喇！遇上不同的季節，就可以觀賞到不同的花種，種類有鬱金香、玫瑰、向日葵等等，但我哋發現依啲都唔係重點，重點係依度影富士山簡直一流！或者依個都係自由行既好處，總會發現永遠意想不到的事情。大約下午兩點左右，我哋欣賞完富士河口湖庭園嘅花卉同富士山景觀後，從河口湖坐1小時巴士就可能到達御殿場 Outlets，到日本當然要去瘋狂購物一下啦！
好多人去日本其中一個目的係行下Outlet，我地今次都唔例外，御殿場 Outlet 係我地第一次嚟，數字上約有 160 個以上的不同國際品牌係度，基本上是去河口湖必到景點，但依度俾我感覺真係好大，而且買既野係比較新，可能近東京吧！大家可以預留3—4小時去睇下，最後行完Outlet 後，出面有巴士直接返回新宿，好方便喔！
撰文︰
CALVIN KWAN 專業旅運康怡廣場分行
直線電話: 3700 2240
電郵: [email protected]
